Mormonism Mayas· 

''अाज फेरि भक्कानिँदै राेएँ''

—निर्मोही व्यास

जिन्दगीमा सधैँभरि निसासिँदै रोएँ
आज फेरि भक्कानिदै धेरै धेरै रोएँ
०
जुनीभरि जून के हो ? थाहै पाइएन
घाम कैले झुल्क्यो भन्ने चालै पाइएन
उज्यालोको प्यासमा नै तीनबीस छोएँ
आज फेरि भक्कानिदै धेरै धेरै रोएँ
०
थाहा त छ— ''सबै जना हुन्नन् भाग्यमानी''
तर पनि बुझ्दैन यो चित्त जानाजानी
कहालिँदै आफ्नो मन आफैँसित फोएँ
आज फेरि भक्कानिदै धेरै धेरै रोएँ
०
जीवनमा अझै कति रुन बाँकी होला !
रुँदा रुँदै बित्ने हो कि चारदिने चोला !
मुहार यो भुलभुले आँसुले नैे धोएँ
आज फेरि भक्कानिदै धेरै धेरै रोएँ
०००
(रचनाः १८ फागुन २०६९)
(छापिँदै गरेकाे कविता–सङ्ग्रह ''बग्दैबग्दै" बाट)