गजल- प्रभा ढुङ्गाना
सक्छौ दिल चोरेर लैजाउ म सलाम गर्नेछु ।
र फर्काउन आउँदै नआउ म सलाम गर्नेछु ।
मेरो मुटु जलाउने तिम्रा ठूला सप्ना बोकि,
धाउ ति मठ मन्दिर धाउ म सलाम गर्नेछु ।
गरिब भनी लत्याएर धनी लाई रोजेपछी,
हिरा मोतिकै जुहार लगाउ म सलाम गर्नेछु ।
जिवनमा अनेक पीडा पर्नसक्छ तिम्लाइ पनि,
हरेस भने खाँदै नखाउ म सलाम गर्नेछु ।
जिन्दगीमा अरु कुनै उदेश्य लिदै नलेउ ,
आफू बाँच अरुलाई बचाउ म सलाम गर्नेछु ।
No comments:
Post a Comment